پێستی تۆ

Friday, 10.23.2020, 02:09 AM (GMT+2)

بەرهەمەکانی پێست » خاوێنکەرەوە Cleanser

خاوێنکەرەوە (Cleanser)

(371 بینراوە)   | Tuesday, 07.17.2018, 01:05 AM |


خاوێنکەرەوە (Cleanser)

ئەم بەرهەمە بە خاوێنکەرەوەی پێست ناوئەبرێت، بۆ پاککردنەوەی پێستی ڕوخسار بەکاریەت لە چەوری و پێستی مردوو هەروەها پاشماوەی ماکیاژ و ئەو پیسیانەی لە هەوادا هەیە و لەسەر پێست ئەنیشن وەک تۆز و دوکەڵ.

ئەگەر لەکاتی خۆیدا پێستت پاک نەکەیتەوە ئەبێتە هۆی ئەوەی تاریک و ناتەندروست بێت، هەروەها چانس زۆرە کە زیپکەی تێدا دروست ببێت. خاوێنکــردنەوەی ڕوخســـار یەکێکە لە خاڵە هەرە گرنگەکــانــی گرنگیدان بە پێست، یەکەم هەنگاو بۆ پێستێکی جوان و تەندروست لە پێستێکی خاوێنەوە دەست پێئەکات.

خاوێنکەرەوە چەند جۆرێکی هەیە، جۆرێکی هەیە کــەف ئەکات وە جۆرێکی هەیە نەرمە (وەک کرێم وایە) و کەف ناکات. هــەر جۆرێکیانت بەکارهێنا پێویستە پاش بەکارهێنانی ڕوخسارت بە ئاوی شلەتێن بشۆیت و پاکی بکەیتەوە لە پاشماوەی خاوێنکەرەوەکە و پیسیەکان. هەندێکیان ڕێنمایت ئەکەن بەوەی کە تەنها بەکاری بهێنیت واتا بێ ئەوەی بە ئاو بیشۆیت بەڵام ئەمە زیانێکی زۆری هەیە بۆ پێست، یەکەم: لەبەر ئەوەی بە پارچەیەک لۆکە و خاوێنکەرەوەکە پیسیەکان بە تەواوی لانابرێن، بەو جۆرە پاشماوەیەکی تێکەڵ لە خاوێنکەرەوەکە و پیسیەکان ئەمێننەوە بەسەر پێستەکەوە، بەمەش پێست دوچاری کێشە ئەبێتەوە. دووەم: لەبەرئەوەی هەندێک لەو بەرهەمانە پێکهاتەی بێزارکەریان تێدایە وەک ماددە بۆندارەکان و ئەلکهول و سابونی دەستکرد، ئەمانەش ئەبنە هۆی بێزارکردنی پێست و لاوازی تواناکانی بەربەستی پێست.

لە کاتی هەلبژاردنی خاوینکەرەوەکانتدا دوور بکەوەرەوە لەو خاوێنکەرەوانەی کە پێست وشک ئەکەنەوە بۆ نمونە سابون و ئەو خاوێنکەرەوانەی کە ئەم پێکهاتانەی تێدایە:

·         Sodium lauryl sulphate

·         Sodium laureth sulfate

پێکهاتەی دوەمیان کەمتر بەهێزە لەگەڵ ئەوەشدا نەگونجاوە بۆ پێستی وشک یان هەستیار.


چۆنێتی بەکارهێنان:

سەرەتا دەستت بشۆ پاشان ڕوخسارت بە ئاوێکی شلەتێن تەڕ بکە و کەمێک لە خاوێنکەرەوەکە بخە سەر دەستت و پێستی ڕوخسارتی پێ بشێلە بە چەند جوڵەیەکی بازنەیی هێواش و نەرم، پاشان بە ئاوی شلەتێن بیشۆ و پاکی بکەرەوە لە هەموو پاشماوەکان. بۆ وشککردنەوە هەمیشە خاولیەکی پاک بەکار بهێنە، مەیخشێنە بەسەر پێستدا بەڵکو تەنها بە بەرکەوتن بەکاری بهێنە.

ئەم کارە هەموو شەوێک پێش خەوتن هەروەها بەیانیان دووبارە بکەرەوە،  ئەگەر ئەزانیت پێستت وشکە یان هەستیارە ئەوا بەیانیانیان تەنها بە ئاو بیشۆ.





(دەنگدراوە: 0)

بابەتی لەیەکچوو



وێنە

کتێبی (پێستی تۆ)