پێستی تۆ

Friday, 10.30.2020, 12:49 PM (GMT+2)

مەیک ئەپ » دەست و نینۆک

ڕێگایەکی ئاسان و کاریگەر بۆ شێدارکردن و نەرمکردنی پێستی دەست و پەنجە

(3232 بینراوە)   | Saturday, 11.11.2017, 08:00 AM |



لە ئەنجامی لێکۆڵینەوەکانەوە دەرکەوتووە کە ڕۆژانە تێکڕا دەستمان نزیکەی ٩ جار ئەشۆین، لای هەندێک کەس ئەگاتە سەر و ٢٠ جار بەتایبەتی ژنان. بێگومان پێویستە گرنگی بە پاک و خاوێنی دەستەکانمان بدەین چونکە ٨٠٪ ی نەخۆشیە گوێزراوەکان بەهۆی دەستەوە ئەگوێزرێنەوە. بەڵام بەداخەوە شتنی زۆر زیان بە پێست ئەگەیەنێت و تووشی ووشکبوونەوە و قڵیشانی ئەکات. هەربۆیە گرنگە ڕۆژانە گرنگی بە پێستی دەست و پەنجەمان بدەین بەبەکارهێنانی کرێمێکی شێدارکەری دەست، ئەگەر نەبوو ئەتوانیت زەیتێکی سروشتی بەکار بهێنیت. بەڵام ئەمەش تاڕادەیەک بێزارکەرە کە ڕۆژانە بە دەستی چەورەوە ئیش و کارەکانت بەڕێ بکەیت، هەربۆیە لێرەدا ڕیگایەکی ئێجگار کاریگەرتان پێ ئەناسێنم کە هەموو کەس ئەتوانێت ئەنجامی بدات.


پێویستیەکان:

١- سێ کەچکی چێشت زەیتێکی سروشتی (زەیتی گوێزی هندی، زەیتی زەیتون، زەیتی بادام، زەیتی جۆبجۆبا یان هەر زەیتێکی تری سروشتی کە لەبەردەستدایە گرنگ ئەوەیە بێ خەوش بێت ).

٢- ئەگەر هەبوو دوو کەوچکی چێشت هەنگوین ( ئەگەر نەبوو ئەتوانی بەکاری نەهێنیت).

٣- جوتێک دەستکێشی نایلۆن ( دەستکێشی سەفەری).


ڕێگای ئیشکردن:

١- زەیتەکە و هەنگوینەکە لە قاپێکدا باش لەگەڵ یەکتر تێکەڵ بکە.

٢- شەو  پێش ئەوەی بچیتە جێگا و بنویت دەست و پەنجەو نینۆکەکانت باش بە گیراوەکە بشێلە هەتا جوان بچێتە ناو پێستەکەوە، ووریابە قەراغی نینۆکەکانت بیر نەچێت و بە تێر و تەسەلی گیراوەکە بەکار بهێنە واتا بە بڕیکی زۆر.

٣- دەستکێشە نایلۆنەکان بکە دەستت (ئەگەر نەبوو ئەوا عەلاگە یان دوو کیسەی بچوکی نایلۆن واتا کیسەی هەڵگرتنی خواردەمەنی بەکاربهێنە و باش لە مەچەکتدا بیبەستە). بەم شێوە شەو پێوەی بخەوە.

٤- بەیانی پاش ئەوەی لەخەو هەستایت دەستکێشەکان دابکەنە و دەستت بە ئاوی شلەتێن  و شامپۆی دەستشتن بشۆ. پاشان ئەنجامەکەی ببینە!!





(دەنگدراوە: 0)

بابەتی لەیەکچوو



وێنە

کتێبی (پێستی تۆ)