پێستی تۆ

Wednesday, 11.25.2020, 03:12 PM (GMT+2)

بایەخدان بە پێست » خۆپاراستن لە تیشکی خۆر

چ کاتێک پێویستە کرێمی دژەخۆر بەکاربهێنیت؟

(1282 بینراوە)   | Wednesday, 08.09.2017, 08:00 AM |



بۆ ئەوەی بزانیت کە چ کاتێک پێویستە کرێمی دژەۆر بەکاربهێنیت پێویستە بزانیت یوڤی ئندێکس UV-index چییە؟

UV-index پێوانەیەکە بۆ پێوانی بڕی تیشکی سەرو بنەوشەیی خۆر لە کات و شوێنێکی دیاری کراو، ئەمیش بە گوێرەی کاتەکانی ڕۆژ و وەرزەکان و شوێنەکان ئەگۆڕێت.


UV-index لە وڵاتانی نزیک هێڵی کەمەرەی زەوی  و  لە شاخەکاندا زۆر بەرزە و هەندێک جار ئەگاتە سەرو ١٥. لە شەوانی ئەو وڵاتانەدا سفرە کە خۆر بە تەواوی تیایدا ئاوا ئەبێت. لە کاتژمێر (١٢-١٥)ی نیوەڕۆ بەرزترە بە بەراورد بە کاتەکانی تری ڕۆژ.


پلەی گەرمی کاریگەری نیە لەسەر UV-index بەڵام ئۆزۆن، ئەتمۆسفیر، هەور، تەپوتۆز، شێ، کاریگەریان هەیە، ئەکرێت لە ڕۆژێکدا کە سارد و ساماڵ بێت بەرزتر بێت وەک لە ڕۆژێکی گەرمی هەور و باراناویدا.  


هەتا UV-index بەرزتر بێت مەترسیەکانی زیاترە بۆ پێست، بۆنمونە لە تینی ٧دا زیانی زیاترە و پێست زووتر ئەسوتێت وەک لە تینی ٣دا  .


ئەگەر ئەتەوێت پێستت لە زیانەکانی تیشکی سەرو بنەوشەیی و پیربوون بپارێزێت ئەوا پێویستە لە تینی ژمارە ٣وە کرێمی دژەخۆر بەکار بهێنیت. ڕۆژانە UV-indexی پێشبینی کراو پەخش ئەکرێت لە بەرنامەی کەش و هەوای زۆربەی وڵاتەکان و هەندێک لە ئاپە تەلەفۆنیەکانی تایبەت بە کەش و هەوادا.

شایانی باسە دوێنێ ڕێکەوتی  ٨-٨-٢٠١٧ بەرزترین ئاستی یوڤی ئندێکس لە شاری هەولێر و سلێمانی و دهۆک ١٠ بوو.



                                   





(دەنگدراوە: 1)


وێنە

کتێبی (پێستی تۆ)